O número 13 de “Cadernos de Fraseoloxía Galega” (2011) contén 13 artigos verbo de diferentes aspectos da fraseoloxía e paremioloxía (en perspectiva taxonómica, cognitiva, histórica, xeográfica, literaria, didáctica ou de uso por idades). Ofrécense unhas 3.000 unidades fraseolóxicas galegas recollidas recentemente na Terra de Bergantiños (Galicia). Faise recensión de 10 libros publicados recentemente e que conteñen traballos de 150 especialistas de todo o mundo. Dáse noticia de 6 congresos no ano 2011, de 133 artigos ou libros de recente aparición e de 23 recensións desta especialidade; entre ellas, está a referencia detallada da aparición dun “Dicionario de fraseoloxía castelán-galego” en formato electrónico e dunha aplicación paremiolóxica galega para Iphone. A información e a análise que forman este volume de 515 páxinas está elaborada por investigadores de todas as idades e niveis de ensino (incluído o básico) e de diferentes países europeos.

Contidos

• Coñece-lo mundo baixomedieval hispánico a través dos seus refráns: “Los refranes que dizen las viejas tras el fuego”

  AGUILAR RUIZ, Manuel José

• Do literal ó figurado: descodifica-las expresións idiomáticas na clase de LE

  DETRY, Florence

• Refráns e linguaxe xuvenil en alemán e español. Unha análise empírica

  FERNÁNDEZ ÁLVAREZ, Eva

• Álvaro Cunqueiro e a paremioloxía

  FERRO RUIBAL, Xesús

• Fraseoloxismos e lingua figurada. As persoas vistas como obxectos ou máquinas

  GONZÁLEZ GARCÍA, Luis

• “Onde hai eguas, poldros nacen”. A realidade vista dende os equinos

  GROBA BOUZA, Fernando

• O encontro e o desencontro expresado a través dos fraseoloxismos do campo cognitivo FALAR

  HERRERO KACZMAREK, Claudia

• Colocacións con “make”, “take” e “do” + nome nun corpus do século XIX de textos ingleses científicos e literarios escritos por mulleres

  LAREO, Inés

• Consideracións sobre a didáctica da fraseoloxía italiana a estudantes galegófonos

  MONTES LÓPEZ, María

• Ditos espallados por Europa e máis alá dela: O substrato máis antigo do “Lexicon of Common Figurative Units”

  PIIRAINEN, Elisabeth

• BADARE: A personificación nos espazos de tempo

  RÍO CORBACHO, María Pilar

• O espazo da tradución das expresións idiomáticas na clase de FLE (Francés como lingua estranxeira)

  RUIZ QUEMOUN, Fernande

• Interaccións verbais entre rapaz-adulto ou rapaz-rapaz. Contribucións á fraseoloxía

  SOTO ARIAS, María Rosario

• Fraseoloxía e paremioloxía de Bergantiños (Cabana de Bergantiños, Carballo e Coristanco)

  DOMÍNGUEZ RIAL, Evaristo

• Recensións

  Varios Autores

• Novas

  Varios Autores