Volume que conmemora o setenta aniversario do profesor italiano Giuseppe Tavani. Estudioso da nosa literatura medieval é un dos grandes representantes da Escola Italiana de Monaci que conta entre outros con especialistas como Silvio Pellegrini. Tavani, dende os anos cincuenta, dedicou boa parte da súa vida profesional á tradición lírica do Occidente peninsular. Nesta época, estes estudios estaban totalmente abandonados e eran considerados como marxinais na comunidade científica, ocupada daquela na prestixiosa producción dos provenzais, franceses ou sicilianos. Do conxunto das súas publicacións destacan as súas edicións críticas, os estudios sobre a métrica ou as interpretacións de conxunto de toda a lírica galego-portuguesa.