O día das Letras Galegas de 1998 estivo dedicado a tres xograres da ría de Vigo: Meendinho, Johan de Cangas e Martin Codax. Con motivo desta celebración o equipo de investigadores de Lírica Profana Galego- Portuguesa do Centro Ramón Piñeiro decidiu facer unha edición crítica dos tres homenaxeados. O libro ofrece unha introducción xeral, así coma un achegamento ós tres autores e á tradición manuscrita. A continuación preséntase a edición crítica dos textos e o comentario de cada unha das cantigas, propoñendo unha lectura das mesmas que mellorase as xa difundidas a través dos estudios precedentes. Complétase o libro cun rimario e un glosario selectivo dos termos máis significativos.