Cun prólogo de Xosé Luis Barreiro e unha ampla introducción de Xosé Calviño Pueyo, preséntase neste libro -“Suma da Lóxica”, de Guillerme de Ockam- un importante texto do pensamento filosófico medieval en traducción ó galego do citado Xosé Calviño Pueyo (autor tamén das notas) e Xosé Mª Liñeira Reboredo. Ó longo destas páxinas o filósofo desenvolve unha análise densa e precisa dos primeiros elementos que compoñen o discurso humano e tamén do discurso mesmo en canto organigrama e pintura figurativa dunha realidade sempre difícil de apreixar. A “Suma da Lóxica” constitúe, en definitiva, o instrumento conceptual creado e empregado por Guillerme de Ockham para rematar con tódolos falsos problemas inventados pola metafísica e teoloxía escolástica da época.