Na introducción vindícase para o autor deste tratado o mérito de traer ó Instituto Eusebio da Guarda -A Coruña- e a España desde centroeuropa a chamada “Filosofía dos valores”. A obra ten tres partes. A primeira, proba que a ética é disciplina teórico-práctica. Polo miúdo vai elaborando unha análise do que son e de como se realizan os valores morais, sempre dentro dun marco crítico coas éticas tradicionais de bens e mesmo á forma. Na segunda, dá as razóns polas que hai que guindar do eido moral tódalas éticas feitas de acordo co patrón do deber xurídico: xuíz-lei-pena. Por último, fala do que leva canda ela unha ética axiolóxica: felicidade, moralidade, “ordo amoris”, vida superior, calidade humana.