A revista ilustrada Bohemia (A Habana, 1908), hoxe decana das publicacións do seu xénero en Hispanoamérica, cumpre o seu centenario neste 2008. No ano 1915, coincidindo coa nova xeira do Centro Galego, dedica a aquela casa de Galicia na Habana o número que hoxe reproducimos en edición facsimilar polo inestimable valor documental das súas ilustracións. Cabanillas, Blanco Torres, Luís Rey e Fernando Lles son algúns dos colaboradores literarios. Trátase, en definitiva, dunha nova homenaxe ao Centro Galego da Habana por parte da prensa da capital cubana.