Lérez (1962) foi o único e extraordinario número dunha revista voceira do Centro Pontevedrés de bos Aires, que fundada en 1942 celebraba os seus XX anos de vida. Case cen páxinas ben ilustradas, culturais e societarias, con moi ilustres colaboradores (Castelao, Sánchez Cantón, Filgueira Valverde, Leandro e Uxío Carré Alvarellos, V. Paz Andrade, D. García-Sabell ou R. Suárez Picallo entre outros), falan do interese de Lérez, galego e, moi particularmente, pontevedrés, rural e urbano, poético e musical, nacionalista aínda e moi preocupado pola lingua.