Este libro quere ser unha homenaxe a Uxío Novoneyra (1930-1999), o poeta do Courel que ten dedicado o Día das Letras do ano 2010. Trátase dunha obra miscelánea onde se integran textos de moi distinta natureza (en verso e prosa, biográficos e de autopoética, caligráficos e mecanoscritos, de creación, reflexión e información) que percorren distintos aspectos da vida e obra do escritor; textos entre os que adquiren especial relevancia os cincuenta inéditos en prosa. Alexandra Cillero, Élida Abal, Luís Alonso Girgado, Iris e Luís Cochón son os editores responsables destas páxinas nas que está un poeta defensor da lingua e de longo e plural percorrido lírico.