Co título de Cáliz fervendo! O Centro Ramón Piñeiro presenta unha colectanea de vintecatro traballos arredor da vida e da obra (co poemario Nimbos, Galaxia, 1961) de Xosé María Díaz Castro, o poeta de Guitiriz do que neste 2014 celebramos o centenario do seu nacemento e mais o Día das Letras, que está dedicado á súa figura. Métrica, retórica, estrutura ou temática dos poemas son obxecto de análise por especialistas, coñecedores a fondo de Díaz-Castro. Arcadio López-Casanova, Torres Queiruga, Darío X. Cabana, Olga Novo, Claudio R. Fer e outros prestixian este libro de homenaxe ao autor de Nimbos