O número 17, 2015 de Cadernos de Fraseoloxía Galega contén 4 traballos que abordan diversos aspectos fraseolóxicos referidos ás fórmulas rutineiras, ás paremias xeocosmolóxicas, á sinonimia e a unidades diversas do ámbito da alimentación. As linguas comparadas son cinco: galego, maorí, castelán, alemán e francés.

Sae á luz unha recadádiva de fraseoloxía recente nas Pontes de García Rodríguez. Faise recensión crítica de 7 obras da especialidade publicadas entre 2012 e 2014 e na sección de Novas dáse conta da aparición de 352 libros ou artigos e 11 recensións; dáse conta da celebración no 2015 de 7 congresos, coloquios e xornadas; da aparición dun novo manual de didáctica da fraseoloxía galega, dun proxecto de investigación en Polonia e de dous casos de fraseografía espontánea galega. Con este número xa publicaron nesta revista 184 investigadores de 24 países.

Contidos

• As fórmulas rutineiras e as súas relacións de equivalencia na combinación lingüística español-alemán

  BAQUERO CASTRO, Karen Lorena

• Estudo das unidades terminolóxicas e fraseolóxicas especializadas dun texto do ámbito dos alimentos funcionais e nutracéuticos dende unha perspectiva tradutora

  LE PODER, Marie-Évelyne

• Paremias xeocosmolóxicas de predición do tempo en galego e maorí

  LÓPEZ FERNÁNDEZ, Laura

• Sinónimos fraseolóxicos no corpus e no dicionario

  PARINA, Irina

• Locucións, fórmulas e paremias do concello das Pontes de García Rodríguez

  LÓPEZ FERRO, Xosé María

• Recensións

  Varios Autores

• Novas

  Varios Autores

• Balance

  -

• Proceso e condicións de admisión de colaboracións

  -