Trátase dun volume que recolle medio cento de artigos doutros tantos colaboradores e colaboradoras para homenaxear ao profesor Anxo Tarrío por mor da súa xubilación. Os ensaios abranguen materias como a historiografía literaria galega, a crítica literaria, a teoría da literatura e a literatura comparada e asínanos investigadores e investigadoras de toda Galicia, do resto de España e doutros enclaves europeos. O libro incorpora unha ampla cronobiografía do homenaxeado, complementada por abondoso material fotográfico.