Os Cadernos Ramón Piñeiro (XLV). Estudos arredor de Florencio Delgado Gurriarán reúnen unha vintena de artigos centrados en diferentes aspectos da vida e obra do autor homenaxeado no Día das Letras Galegas de 2022. A súa poesía, os traballos de tradución, as vicisitudes do exilio ou o epistolario con varios compañeiros galeguistas son algúns dos asuntos tratados neste volume coordinado por Luís Alonso Girgado, Luís Cochón e Armando Requeixo.